အိပ်ရေးပျက်ခြင်းဆိုးကျိုးများ ( ၁ )

          ကျွန်တော်တို့တွေဟာ စာမေးပွဲ၊ အလုပ်၊ ပါတီတွေ၊ ဂိမ်းတွေကြောင့် ညပေါင်းများစွာအိပ်ရေးပျက်ခဲ့ကြဖူးပါတယ်။ဒီလိုမျိုး အိပ်ချိန်နဲနဲပဲ အိပ်ရတဲ့နေ့တွေပြီး နောက်နေ့ဆိုရင် လူက လေးလံလာပြီး ပုံမှန်လောက်လဲ စွမ်းဆောင်ရည်မကောင်းတော့ပါဘူး။ တရက်တလေ အိပ်ရေးပျက်တာတောင် နောက်နေ့ စွမ်းဆောင်ရည်ကျတယ်ဆိုရင် ရက်ပေါင်းများစွာ အိပ်ရေးပျက်ခြင်းရက်တွေဆက်လာတဲ့ အခါ ဆိုးကျိုးတွေ ဘယ်လောက်တောင် များမလဲဆိုတာတွေးကြည့်လို့ရပါတယ်။ ဒီနေ့တော့ အိပ်ရေးပျက်ခြင်းရဲ့ ဆိုးကျိုး ၉ချက်ကို ဖေါ်ပြပေးသွားပါမယ်။ 

        

၁။ မှတ်ဉာဏ် နှင့် အာရုံစူးစိုက်နိုင်မှု ကျဆင်းလာခြင်း

          ဦးနှောက်ဟာ ကျွန်တော်တို့ရဲ့ နေ့စဉ် အချက်အလက် အသစ်တွေကို မှတ်သားဖို့အတွက် အိပ်နေတုန်းမှာအလုပ်လုပ်ပါတယ်။ အိပ်ရေးမဝတာတွေများလာတဲ့ အခါ ဦးနှောက်က ပင်ပန်းနွမ်းနယ် လာပြီး တာဝန်တွေကိုကောင်းမွန်စွာ မလုပ်ဆောင်နိုင်တော့ပါဘူး။ အဲ့ဒီအခါမှာ အာရုံးစူးစိုက်မှုတွေ ပြဿနာဖြေရှင်းနိုင်စွမ်းတွေ တက်ကြွမှုတွေ လျော့နည်းလာပါတယ်။ ဒီလိုဆိုရင် ကျွန်တော်တို့ အသစ်တွေ လေ့လာနိုင်စွမ်း လျော့နည်းလာပါမယ်။နောက်ပြီးတော့ ဒါတွေက မတော်တဆ မှုတွေကိုလဲပိုဖြစ်စေပါတယ်။ အမေရိကန် နိင်ငံရဲ့ လေ့လာချက်အရ နှစ်စဉ်ယာဉ်မတော်တဆ မှု ၁၀၀၀၀၀ ခန့် နှင့် ယာဉ်တိုက်သေဆုံးမှု ၁၅၀၀ ခန့်က အိပ်ရေးမဝ ခြင်းကြောင့်ဖြစ်ပါတယ်။ 

၂။ စိတ်ရောဂါများ

   

          တညတလေ အိပ်ရေးပျက်ရင်တောင် စိတ်က မကြည်မလင်ဖြစ်နေမယ်ဆိုရင် အိပ်ပျက်တဲ့ ရက်တွေဆက်လာတဲ့ အခါ စိတ်ဂနာမငြိမ်ခြင်း စိတ်လှုပ်ရှားခြင်းတွေဖြစ်လာမယ်ဆိုတာ ပြောစရာတောင်မလိုပါဘူး။ ၂၀၀၅ ခုနှစ်မှာလုပ်ခဲ့တဲ့ လေ့လာမှုတစ်ခုအရဆိုရင် စိတ်ဂနာမငြိမ်ခြင်း စိတ်လှုပ်ရှားခြင်း ဖြစ်လေ့ရှိတဲ့ သူအများစုက ညဘက် အိပ်ချိန် ၆နာရီ အောက်သာရှိကြပါတယ်။ နောက်ထပ်လေ့လာမှုတစ်ခု အရတော့ ညဘက် အိပ်မပျော်တဲ့ သူတွေက စိတ်ကျရောဂါဖြစ်နိင်ခြေ ၅ဆ ပိုများပါတယ်။