ပျားရည်ကို သကြားအစားထိုး သုံးသင့်လား? (၁)

​          ဒါက အင်တာနက်​ပေါ်မှာ အရမ်းအ​မေးများ​နေတဲ့​မေးခွန်းတစ်ခုပဲ ဖြစ်ပါတယ်။

          တကယ်​ရော ပျားရည်က သကြားထက်ပို​ကောင်းတဲ့ အစားထိုးစရာတစ်ခုလား? စာတမ်း​တွေ​လေ့လာချက်​တွေဖတ်ပြီး ဒီတခါမှာကျွန်​တော် ဒါကို အတတ်နိုင်ဆုံး​ဖြေကြည့်​ပေးပါမယ်။

          ပျားရည်ကို အချိုဓါတ်ရဖို့​ရော ​ဆေးဝါးအ​နေနဲ့ပါ ​ရှေးယခင်ထဲက သုံးခဲ့ကြပါတယ်။ ခု​ခေတ်မှာလဲ ပျားရည်နဲ့လုပ်တဲ့ မျက်နှာအလှပြင်ပစ္စည်း​တွေကို သုံး​နေကြပါတယ်။ လူအများစုကလဲ ပျားရည်ကို ထူးကဲ​သော အစားအစာအဖြစ် မှတ်ယူကြပါတယ်။ ဒါဆိုပျားရည်က တကယ်​ရော ကျန်းမာ​ရေးအတွက် ​​ကောင်းလား။ ကျွန်​တော်တို့ ​အောက်မှာဆက်ကြည့်လိုက်ရ​အောင်။

          အရင်ဆုံး ပျားရည်နဲ့သကြားရဲ့ ပါဝင်ပစ္စည်း​တွေကို နှိုင်းယှဥ်ကြည့်ရ​အောင်။

          ပျားရည်ကို ပန်းပွင့်​​တွေရဲ့ ဝတ်မှုန်​တွေက​နေ ရပါတယ်။ ဒါ​ကြောင့် ပျားရည်ရဲ့ အနံ့၊ အရသာနဲ့ အာဟာရတန်ဖိုးကပျားလေးတွေစုပ်ယူတဲ့ ပန်းဝတ်မှုန်​တွေအ​ပေါ်မှာ မူတည်ပါတယ်။ အကြမ်းအားဖြင့်​တော့ ပျားရည်မှာ ဖရူးစ်တို့စ်သကြားဓါတ် ၄၀% ၊ ဂလူးကို့စ် သကြားဓါတ် ၃၀% နဲ့ တခြားဗီတာမင် နဲ့ သတ္ထုဓါတ် အနည်းငယ်စီ ပါဝင်ပါတယ်။

သကြားကလဲ ကြံလိုမျိုး သဘာဝပစ္စည်း​တွေက ထုတ်တယ်ဆို​ပေမယ့် သကြားမဖြစ်ခင် အဆင့်များစွာ​ကျော်ဖြတ်ရပါတယ်။ ဒါ​​ကြောင့် သကြားမှာဆိုရင် ဖရူးစ်တို့စ် သကြားဓါတ် ၅၀% နဲ့ ဂလူးကို့စ် သကြားဓါတ် ၅၀% ပါဝင်ပြီးတခြားဗီတာမင် နဲ့ သတ္ထုဓါတ်​တွေ မပါဝင်ပါဘူး။