ဝိတ်ကျဖို့အ​ထောက်အကူပြုမယ့်အစားအစာ ၇မျိုး (၂)

​၂။ ​ကော်ဖီ

​​          ကော်ဖီမှာပါတဲ့ ကဖိန်းဓါတ်နဲ့ဓါတ်တိုးဆန့်ကျင်ပစ္စည်း​တွေက ​ရောင်ရမ်းခြင်းကို ​လျှော့ချ​ပေးပါတယ်။ စိတ်ကိုကြည်​စေတယ်။ သက်လုံ​ကောင်း​စေပြီး အစာစားချင်စိတ်ကိုလဲ ​လျှော့ချ​ပေးပါတယ်။ ဒါ့​ကြောင့်မလို့ တချို့သူ​တွေGym​ဆော့ခံနီးမှာ ​ကော်ဖီ၁ခွက်​​သောက်ကြတာ သင်​တွေ့ဖူးမှာပါ။ ​ကော်ဖီ​သောက်ခြင်းက သင့်ကို​နေလို့ထိုင်လို့ ပို​ကောင်း​စေတယ်။ ဆုံးဖြတ်ချက်​တွေလဲ ပိုမှန်​စေပြီး အားကစားလုပ်ဖို့လဲ ခွန်အား​တွေပို​ပေးပါတယ်။ ​ကော်ဖီကအစားစားချင်စိတ်ကို​လျှော့ချ​ပေးနိုင်တဲ့အပြင် စားလိုက်တဲ့ အစားအစာ​တွေကိုလဲ မြန်မြန်​လောင်ကျွမ်း​အောင်ကူညီ​ပေးပါတယ်။ ​

          လေ့လာချက်တစ်ခုအရဆိုရင် အစာမစားမီ ၃၀မိနစ်ခန့်မှာ ​ကော်ဖီတစ်ခွက်​​သောက်​ပေးခြင်းကအစားစားတဲ့အချိန်မှာ စားမိတဲ့ ကယ်လိုရီပမာဏကို ​လျှော့ချ​ပေးပါတယ်။ ဒါ​ပေမယ့် ​ကော်ဖီနဲ့ကဖိန်းဓါတ်ပါဝင်တဲ့အရည်​တွေကို ည​နေပိုင်းနဲ့ညပိုင်း​တွေမှာ ​​​ရှောင်ကြဥ်သင့်ပါတယ်။ သူတို့​တွေက သင့်ရဲ့ အိပ်စက်ခြင်းကို အ​နှောက်အယှက်​ပေးနိုင်လို့ပါ။ ​

          ကောင်းမွန်စွာ အိပ်စက်ခြင်းကလဲ သင့်ရဲ့ ကျန်းမာ​ရေးနဲ့ဝိတ်ကျဖို့ အထောက်အကူပြုတယ်ဆိုတာ မ​မေ့ပါနဲ့။

၃။ လက်ဖက်ရည်ကြမ်း

          လက်ဖက်ရည်ကြမ်း​သောက်ခြင်းကလဲ ဝိတ်ကျဖို့အတွက် အ​ထောက်အကူပြုပါတယ်။ လက်ဖက်ရည်ကြမ်း ကအဆီ​လောင်ကျွမ်းမှုအတွက် အ​ကောင်းဆုံးအစားအစာတစ်မျိုးထဲမှာ ပါဝင်ပါတယ်။ လက်ဖက်ရည်ကြမ်းက အဆီ​လောင်ကျွမ်း​စေတဲ့ အစားအစာထဲမှာ နာမည်ကြီးပါတယ်။ 

          သူ့မှာ ကြွယ်ဝစွာပါဝင်တဲ့ ဓါတ်တိုးဆန့်ကျင်ပစ္စည်း​တွေက အဆီပို​​တွေ အလျှင်အမြန်​လောင်ကျွမ်းဖို့ အထောက်အကူပြုပါတယ်။ ​​နောက်ပြီး လက်ဖက်ရည်ကြမ်းမှာ ကဖိန်းဓါတ်လဲ အနည်းငယ် ပါဝင်​တော့ အားကစားမလုပ်ခင် ​​​သောက်မယ်ဆိုရင် အဆီပို​လောင်ကျွမ်းဖို့ အ​ထောက်အကူပြုမှာပါ။ ​​

          လေ့လာချက်တစ်ခုအရ လက်ဖက်ရည်ကြမ်းမှာပါတဲ့ ဓါတ်တိုးဆန့်ကျင်ပစ္စည်း​တွေက အဆီ​​လောင်ကျွမ်းဖို့ အား​​ပေးပါတယ်။ ​နောက်ထပ်​​လေ့လာမှု တစ်ခုမှာဆိုရင် ​လေ့ကျင့်ခန်းမလုပ်ခင်လက်ဖက်ရည်ကြမ်း​သောက်တဲ့အမျိုးသား​တွေက မ​သောက်တဲ့သူ​တွေထက် အဆီပို​လောင်ကျွမ်းနိုင်တာ ​တွေ့ရပါတယ်။ ဒါ့​ကြောင့်​နောက်တစ်ခါ gymသွားမယ်ဆိုရင် လက်ဖက်ရည်ကြမ်းတစ်ခွက်​လောက် ကြို​သောက်သွားတာကသင့်ကို အထောက်အကူဖြစ်​စေမှာပါ။