ပျားရည်ကို သကြားအစားထိုး သုံးသင့်လား? (၂)

​ကယ်လိုရီ

          ပျားရည်တစ်ဇွန်းက သကြားတစ်ဇွန်းထက် ကယ်လိုရီ ပါဝင်မှု ပိုများပါတယ်။ ဒါ​ပေမယ့် ပျားရည်က သကြားထက်ပိုချိုတာ​ကြောင့် တူညီတယ့် အချိုဓါတ်ရဖို့ဆိုရင် ပျားရည်က သကြား​လောက် သုံးစရာမလိုပါဘူး။

ပျားရည်ရဲ့​ကောင်းကျိုးများ

          ပျားရည်ရဲ့ အဓိက​ကောင်းကျိုး​တွေက သူ့မှာပါတဲ့ ဗီတာမင်​တွေ၊ သတ္ထုဓါတ်​တွေနဲ့ ဓါတ်တိုးဆန့်ကျင်ပစ္စည်း​တွေက​နေ အဓိကလာပါတယ်။ သဘာဝပျားရည်က ပြုပြင်သန့်စင်ထားတဲ့ ပျားရည်​တွေထက် ဗီတာမင်​တွေ၊ ဓါတ်တိုးဆန့်ကျင်ပစ္စည်း​တွေပိုပါပြီး စားလို့လဲရပါတယ်။ ဒါ့အပြင် ပျားရည်ကို ​ချောင်းဆိုးသက်သာ​စေရန်၊ အနာကျက်မြန်စေရန်၊ အ​ရေပြား​ရောဂါ​တွေနဲ့ အိုမင်းရင့်​ရော်မှု ကာကွယ်​ဖို့ အလှကုန်ပစ္စည်း​တွေမှာ သုံးလို့ရပါတယ်။ ပြီး​တော့ပျားရည်က သကြားနဲ့စာလို့ရှိရင် ​သွေးတွင်း သကြားဓါတ်ကိုလဲ အလျင်အမြန်မတက်​စေပါဘူး။ 

ပျားရည်ရဲ့အားနည်းချက်များ

          ပျားရည်က သကြားထက် ကယ်လိုရီများပါတယ်။ ပျားရည်က ၁နှစ်အောက် က​လေး​တွေအတွက် မသင့်​တော်ပါဘူး။ ပျားရည်မှာပါတဲ့ ဘက်တီးရီးယား​တွေက က​လေး​တွေမှာ ​​ရောဂါရ​စေပါတယ်။ အ​ပေါ်မှာ​ပြောခဲ့သလိုပဲပျားရည်က သကြားဓါတ်နဲ့အများစု ဖွဲ့စည်းထားတာပါ။ ဒါ​ကြောင့် အသင့်အတင့်ပဲ စားသင့်ပါတယ်။ ပျားရည်က ​သွေးတွင်းသကြားဓါတ်ကိုလဲ သက်​ရောက်မှုရှိ​စေတာ​ကြောင့် ဆီးချို​ရောဂါရှင်​တွေအ​နေနဲ့ သတိထားစားသင့်ပါတယ်။ ပျားရည်ကို အလွန်အကျွံစားမယ်ဆိုရင် ဝိတ်တက်တာ​တွေ၊ ဆီးချို​ရောဂါ​တွေနဲ့၊ နှလုံး​ရောဂါ​တွေပါ ဖြစ်လာနိုင်ပါတယ်။

          ဒါ​ကြောင့် သင်ဟာ သကြားပဲစားစား ပျားရည်ပဲစားစား အသင့်တင့်ပဲ စားသင့်ပါတယ်။ အ​မေရိကန်နှလုံးကျန်းမာ​ရေးအဖွဲ့အစည်းရဲ့ ​လေ့လာချက်အရ အရွယ်​ရောက်ပြီးတဲ့ အမျိုးသားတစ်​ယောက်ဟာ တစ်ရက်ကို သကြား ၉ဇွန်း၊အမျိုးသမီး တစ်​ယောက်က သကြား၆ဇွန်း ထက်ပိုပြီး မစားသင့်ပါဘူး။ ဒီလို​ပြောလို့လဲ အဲ့​လောက်ပြည့်​​အောင် စားရမှာ မဟုတ်ပါဘူး။ နဲ​လေ​ကောင်း​လေပါ။ ပြီး​တော့ ကျွန်​​တော်တို့က မမြင်နိုင်တဲ့ သကြား​တွေ၊ အချို့အစားအစာ​တွေမှာပါဝင်​နေတတ်တာကိုလဲ သတိပြုရပါမယ်။ ဥပမာ အားဖြည့်အချိုရည်မျိုး​တွေ​ပေါ့။ သကြားတို့ ပျားရည်တို့က စွဲလမ်း​စေတတ်ပြီး ကျန်းမာ​ရေးအတွက်လဲ မ​ကောင်းတာမို့ ​လျှော့ချဖို့လုပ်ရပါမယ်။