ကိုယ်ဝန်​​ဆောင်ချိန်အတွင်းစားသင့်​သောအစားအစာများ (၆)

​၉။ အစိမ်းရင့်​ရောင် ဟင်းရွက်များ

           အစိမ်းရင့်​ရောင် ဟင်းရွက်​တွေဖြစ်တဲ့  ဟင်းနုနွယ်ရွက်နဲ့ ကိုက်လန်ရွက်​တွေဟာလဲ ကယ်ဆီယမ်ဓါတ်၊ သံဓါတ်၊folate ဓါတ်နဲ့ ဗီတာမင် ​အေ၊ စီ နဲ့ ကေတို့  ပါဝင်ပါတယ်။ သူတို့ဟာ ဓါတ်တိုးဆန့်ကျင်ပစ္စည်း​​တွေနဲ့ အမျှင်ဓါတ်လဲကြွယ်ဝတဲ့ အတွက် ဝမ်းချုပ်ခြင်းကို ကာကွယ်​ပေးပါတယ်။

၁၀။ ​ရေ

​          ရေကလဲ ကိုယ်ဝန်​​ဆောင်​တွေအတွက် အ​ရေးပါလို့ ​ရေကို​နေ့တိုင်းလုံ​လောက်စွာ​သောက်သင့်ပါတယ်။ ​ရေကဘယ်လိုအ​ရေးပါလဲ? ​ရေဟာ မိခင်အတွက်​ရော ကလေးငယ်ရဲ့ အာဟာရနဲ့ဖွံ့ဖြိုးမှုအတွက်ပါ အ​ရေးပါပါတယ်။ ​နောက်ပြီး​တော့ ​ရေလုံ​လောက်စွာ​သောက်ခြင်းကလဲ ဝမ်းချုပ်ခြင်းကိုကာကွယ်တားဆီး​ပေးနိုင်ပါတယ်။ ​နောက်ပြီး ​ရေဓါတ်ပြည့်ဝ​နေခြင်းကလဲ မိခင်ရဲ့ကျန်းမာ​ရေးအတွက် အ​ရေးကြီးတာ​ကြောင့် ​ရေ​သောက်ဖို့မ​မေ့ပါနဲ့။

          အခု​ပြောပြခဲ့တာက​တော့ ကိုယ်ဝန်​​​​ဆောင်​တွေအတွက် စားသင့်တဲ့အစားအစာ ၁၀မျိုးပဲဖြစ်ပါတယ်။ ဒါ​ပေမဲ့အချို့သူ​တွေ​ပြောသလို အစားအများကြီး ​ရှောင်ရမှာလဲမဟုတ်သလို ဒီ၁၀မျိုးပဲလဲ စားရမှာ မဟုတ်ပါဘူး။ အာဟာရမျိုးစုံကို သင့်တင့်မျှတစွာ စားလို့ရပါတယ်။ ​​

          ကောင်းမွန်စွာ မချက်ပြုတ်ထားတဲ့ အသား​တွေ ငါး​တွေ ​သေချာမသန့်စင်ထားတဲ့ အချိုရည်​​တွေ နဲ့ ချိစ် အချို့ကို​တော့​ ရှောင်ကြဥ်ရန်ဖြစ်ပါတယ်။ ဒါက​တော့ ကိုယ်ဝန်​ဆောင်မိခင်​တွေအတွက် ​​ယေဘုယျအကြံပြုချက်ပဲ ဖြစ်ပြီး လူတစ်​ယောက်နဲ့တစ်​ယောက်ဟာ ဖွဲ့စည်းပုံ​​တွေ လိုအပ်ချက်​တွေမတူညီနိုင်တာမို့ ကိုယ့်ရဲ့ ဆရာဝန်​တွေ အာဟာရပညာရှင်​တွေနဲ့လဲ ​သေချာတိုင်ပင်သင့်ပါတယ်။