​သွေးတွင်းအဆီဓါတ် ​လျော့ကျ​စေဖို့ စားသင့်တဲ့ အစားအစာများ (၄)

​၇။ အုတ်ဂျုံ

          မနက်စာကို အုတ်ဂျုံနဲ့စားခြင်းဟာလဲ သွေးတွင်းက မကောင်းတဲ့အဆီတွေ ကျဖို့အတွက် လွယ်ကူရိုးရှင်းတဲ့အရာပဲဖြစ်ပါတယ်။ အုတ်ဂျုံဟာ အဆီချရာမှာ အထောက်အပံ့ပေးတဲ့ အမျှင်ဓာတ်ကြွယ်ဝပါတယ်။ အုတ်ဂျုံထဲကိုငှက်ပျောသီးတို့ စတော်ဘယ်ရီတို့ ထည့်ပေးခြင်းဖြင့် အမျှင်ဓာတ်ပိုရနိုင်ပါတယ်။

၈။ အစေ့အဆံများ

          အစေ့အဆံတွေက အာဟာရကြွယ်ဝတဲ့အစားအစာ ဖြစ်ပါတယ်။ သူတို့မှာ Monou saturated fatty acid လို့ခေါ်တဲ့အ‌ဆီဓာတ်တွေ ကြွယ်ဝစွာပါဝင်ပါတယ်။ သစ်ချသီးမှာဆိုရင် နှလုံးကျန်းမာရေးကို အထောက်အကူပြုတဲ့ Omega 3 ဓာတ်တွေလဲ ပါဝင်ပါတယ်။ ​နောက်ပြီး​တော့ အ​​စေ့အဆံ​တွေမှာ Psytosterol ဆိုတဲ့ အပင်​တွေမှာ​တွေ့ရတဲ့ ဓါတ်ပစ္စည်း တစ်မျိုးပါပါတယ်။ ဒီ Psytosterol က ခန္တာကိုယ်က မ​ကောင်းတဲ့အဆီ​တွေနဲ့ ပုံသဏ္ဍာန်ဆင်ပါတယ်။ သူတို့ဟာ အူက​​နေမ​ကောင်းတဲ့ အဆီ​တွေစုပ်ယူခြင်းကို တားဆီးခြင်းအားဖြင့် ခန္တာကိုယ်မှာ မ​ကောင်းတဲ့ အဆီကို ​လျော့နည်း​စေပါတယ်။ အ​စေ့အဆံ​တွေ အထူးသဖြင့် ဘာဒံ​စေ့​တွေမှာ ပါတဲ့ ​နောက်ထပ် ဓါတ်တစ်မျိုးက​ L-arginine ပါ။ သူတို့က ခန္တာကိုယ်က​နေ nitric oxide ထုတ်တာကို အား​ပေးပြီး ​သွေး​ပေါင်ကိုထိန်းညှိ​ပေးပါတယ်။ အ​စေ့အဆံ​တွေကို ပုံမှန်စားသုံးခြင်းက နှလုံး​ရောဂါ ဖြစ်နိုင်​​ချေကိုလဲ ​လျှော့ချ​ပေးပါတယ်။