☕ကော်ဖီသောက်ခြင်းရဲ့ ကျန်းမာရေးကောင်းကျိုးများ ☕ (၈)

 🍶နောက်ထပ်အရေးကြီးတဲ့အချက်က ကော်ဖီထဲအချိုတွေအများကြီးထည့်ပြီးသောက်မယ်ဆိုရင်တော့ ကော်ဖီရဲ့ကျန်းမာရေးအကျိုးကျေးဇူးတွေကို ဆုံးရှုံးစေနိုင်ပါတယ်။ ဒါကြောင့် Creamတွေ၊ သကြားတွေနဲ့ အချိုတွေထည့်မယ့်အစား အောက်ဖော်ပြပါ အစားထိုးပစ္စည်းလေးတွေ စမ်းထည့်ပြီး ကော်ဖီကိုကျန်းမာရေးအတွက် ပိုကောင်အောင်လုပ်ကြည့်လို့ရပါတယ်။👇👇

🍫ကိုကိုးမှုန့် (Cocoa)- cocoaမှုန့်အနည်းငယ်ကို ကော်ဖီထဲထည့်ခြင်းအားဖြင့် ကော်ဖီရော၊ချောကလက်ရောရဲ့ ကျန်းမာရေးအကျိုးကျေးဇူးတွေ ခံစားရမှာပါ။

🍯သဘာဝကရတဲ့အချိုတွေဖြစ်တဲ့ ပျားရည်၊ မေပယ်လ်သကာရည်နဲ့ စတီဗီယား (Stevia rebaudiana)ပင်မှရသော သကြားအစားထိုးမှုန့်

🏺သစ်ကြပိုးခေါက်မှုန့် -ကော်ဖီထဲကို သစ်ကြပိုးခေါက်မှုန့်အနည်းငယ် ထည့်လို့လည်းရပါတယ်။ဒါကအရသာပိုရှိစေရုံမက ကျန်းမာရေးအတွက်လည်း ပိုကောင်းပါတယ်။ 

🥛နွားနို့-သင့်ရဲ့ကော်ဖီထဲကို creamတွေထည့်ရတာကြိုက်ရင် နွားနို့နဲ့အစားထိုးကြည့်ပါ။ဒီနေရာမှာ အဆီပြည့်နွားနို့ကိုသုံးခြင်းက အရိုးကျန်းမာရေးအတွက်ရော၊ အရသာအတွက်ရော ပိုကောင်းပါတယ်။

အခုပြောသွားတာတွေကတော့ ကော်ဖီသောက်ခြင်းရဲ့အကျိုးကျေးဇူးတွေနဲ့ ကျန်းမာရေးအတွက် ကော်ဖီကိုဘယ်လိုသောက်ရမယ်ဆိုတဲ့ နည်းလမ်းအချို့ဖြစ်ပါတယ်။ ဒီblog postကနေပြီးတော့ ကော်ဖီသောက်ခြင်းရဲ့ကျန်းမာရေးအကျိုးကျေးဇူးတွေသိရမယ်လို့ မျှော်လင့်ပါတယ်။ 

ဒါပေမယ့် လူသားတိုင်းကဖွဲ့စည်းပုံမတူသလို ကဖင်း(caffine)ဓါတ်ကိုခံနိုင်ပုံခြင်းလည်း မတူကြပါဘူး။တချို့က ၃ခွက်/၄ခွက်သောက်လို့ အဆင်ပြေပေမယ့် တချို့ကလည်း ၁ခွက်လောက်ပဲသောက်နိုင်ပါတယ်။ဒါကြောင့် ကိုယ့်ရဲ့လိုအပ်ချက်ရယ်၊ ခံနိုင်ရည်ရယ်အပေါ်မူတည်ပြီး ကော်ဖီကိုချင့်ချိန်သောက်သုံးသင့်ကြောင်း တင်ပြလိုက်ရပါတယ်။ ကျန်းမာကြပါစေခမျာ ☕