👍အဆစ်မြစ်ရောင် ဂေါက်ရောဂါရှိသူများအတွက် အကောင်းဆုံးအစားစာများ (၂)

 ၂)အဆီပါတဲ့ငါးများ 🐳

        ဆယ်လ်မွန်ငါးနဲ့ ငါးကွန်းရှပ်စတဲ့ အဆီပါတဲ့ငါးမျိုးအချို့ကို သင့်ရဲ့အစားစာထဲမှာထည့်ပြီး စားသုံးကြည့်သင့်ပါတယ်။ အဲ့ဒိငါးတွေမှာ omega 3-fatty acid များစွာပါဝင်ပါတယ်။ 

Omega-3 fatty acidက ယူရစ်အက်ဆစ် (Uric Acid)ကို ထွေထွေထူးထူး အကျိုးသက်ရောက်စေတာမဟုတ်ပေမဲ့ ရောင်ရမ်းနာကျင်မှုတွေကို လျှော့ချပေးနိုင်တဲ့အတွက် ဂေါက်ရောဂါတိုက်ခိုက်မှုခံစားနေရစဉ်မှာ အကျိုးရှိစေပါတယ်။ 

၃)အဆီနည်းသော နို့ထွက်ပစ္စည်းများ🥛

        နို့ထွက်ပစ္စည်းတွေဟာ ဂေါက်ရောဂါအန္တရာယ်ကို ကျဆင်းစေတယ်လို့ တွေ့ရှိခဲ့ကြပါတယ်။ အထူးသဖြင့် အဆီနည်း (သို့မဟုတ်) အဆီလုံးဝမပါတဲ့နို့ထွက်ပစ္စည်းတွေဟာ ဂေါက်ရောဂါတိုက်ခိုက်မှု အခါခါဖြစ်ခြင်းမှ ကာကွယ်မှုပေးနိုင်ပါတယ်။ ၎င်းတို့မှာ Uric Acid စွန့်ထုတ်ခြင်းကိုအားပေးတဲ့ Casein protein တွေပါဝင်ပါတယ်။ 

        အဆီနည်းတဲ့ နို့ထွက်ပစ္စည်းတွေမှာ ရောင်ရမ်းမှုလျော့ကျစေတဲ့အာနိသင်ပါဝင်ပါတယ်။ထိုအာနိသင်က အဆစ်တွေမှာ monosodium urateအခဲတွေစုလာမှုကြောင့်ဖြစ်လာတဲ့ရောင်ရမ်းမှုနဲ့ Uric acid levelကို လျော့နည်းစေနိုင်ပါတယ်။