🧘‍♀️စိတ်ဖိစီးမှုလျှော့ချရန် အကေါင်းဆုံးနည်းလမ်း ၁၂မျိုး🧘‍♂️ (၁)

             စိတ်ဖိစီးမှုလျှော့ချတဲ့နည်းတွေမပြောခင် "စိတ်ဖိစီးမှု ဆိုတာ ဘာလဲ?” ဆိုတာနဲ့ စလိုက်ကြရအောင်! ခက်ခဲတဲ့အခြေနေတွေကိုဖြတ်သန်းဖို့ဆိုရင် ကျွန်တော်တို့ရဲ့ခန္ဓာကိုယ်ကနေ “Fight or Flight"လို့ခေါ်တဲ့ စိတ်ဖိစီးလာတဲ့အခါတုံ့ပြန်မှုကို လိုအပ်ပါတယ်။ 

            သင့်ရဲ့ကိုယ်ခန္ဓာက ခြိမ်းခြောက်မှုတွေ၊ အန္တရာယ်တွေနဲ့ကြုံတဲ့အခါ stress hormones တွေထုတ်လွှတ်ခြင်း၊ ကြွက်သားများကိုတောင့်တင်းလိုက်ခြင်း၊ သွေးပေါင်ချိန်မြှင့်တက်ခြင်း၊ သင့်ရဲ့နှလုံးနဲ့အဆုတ်တို့ကို ပိုမိုအလုပ်လုပ်စေခြင်း၊ သင့်ကိုအားအင်ပံ့ပိုးပေးဖို့အတွက် အဆီနဲ့သကြားဓါတ်ကိုထုတ်လွှတ်ပေးခြင်းတို့ဖြင့် တုန့်ပြန်လေ့ရှိပါတယ်။ ခြိမ်းခြောက်မှုတွေ ပြီးသွားရင်တော့ သင့်ခန္ဓာကိုယ်က ပုံမှန်လုပ်ဆောင်ချက်တွေကိုပြန်လည်လုပ်ဆောင်ပါတယ်။ 

            ကျွန်တော်တို့ကိုယ်ခန္ဓာတွေက စိတ်ဖိစီးမှုအသေးအမွှားတွေကို ခံနိုင်ရည်ရှိအောင် တည်ဆောက်ထားတယ်ဆိုပေမယ့် ကျွန်တော်တို့အများစု နေ့စဉ်ကြုံတွေ့နေရတဲ့ ရေရှည်စိတ်ဖိစီရမှုမျိုးကိုတော့ ခံနိုင်ရည်ရှိအေါင် ဖွဲ့စည်းထားတာမျိုးမဟုတ်ပါဘူး။ စိတ်ဖိစီးမှုတွေကနေ ဘယ်သူမှ အလုံးစုံမလွတ်ကင်းနိုင်ပေမယ့် စိတ်ဖိစီးမှုတွေကို နည်းလမ်းများစွာနဲ့ ထိမ်းညှိစီမံဖို့ ကြိုးစားနိုင်ပါတယ်။ 

            လူတစ်ယောက်ရဲ့ ယေဘုယျကျန်းမာရေးကောင်းကျိုးအတွက် နေ့စဉ်ဘဝမှ ရေရှည်စိတ်ဖိစီးမှုတွေကို အတတ်နိုင်ဆုံး များများလျှော့ချသင့်ပါတယ်။ ဘာကြောင့်လဲဆိုတော့ ဆက်တိုက်စိတ်ဖိစီးမှုဟာ သင့်ကျန်းမာရေးအတွက် မကေါင်းသလို နှလုံးရောဂါ၊ စိုးရိမ်လွန်ကဲမှုရောဂါ နဲ့ စိတ်ကျရောဂါ စတဲ့ ရောဂါဝေဒနာတွေဖြစ်ပွါးမှုအန္တရာယ်ကို ပိုတိုးစေတာကြောင့်ပါပဲ။