သကြားအစားများခြင်းရဲ့ ဆိုးကျိုးများ (၃)

        ​၆။ အသည်းအဆီ ဖုံးခြင်း

       Fructose ဆိုတဲ့ သကြား ၁မျိုးက အသည်းအဆီဖုံးခြင်းနဲ့ ဆက်စပ်နေပါတယ်။ Glucose တို့လို တခြားသကြားတွေနဲ့ မတူတာက fructose ကို အသည်းက အဓိက စုတ်ယူ ဖြိုခွဲပါတယ်။ Fructose ကို ခန္ဓာကိုယ်အတွက် အင်အားအဖြစ်ပြောင်းလဲနိုင်သလို ပိုတာတွေကိုလဲ glycogen အဖြစ်ပြောင်းလဲပြီး အသည်းမှာသိုလှောင်ပါတယ်။ 

        အသည်းဟာ glycogen တွေ သိုလှောင်နိုင်တဲ့ ပမာဏ ထက်ပိုလာတဲ့ အခါ အဆီအဖြစ်ပြောင်းလိုက်ပါတယ်။ ဒီလိုပြောင်းလိုက်တဲ့ အဆီတွေများလာတဲ့ အခါ အသည်းအဆီဖုံးရောဂါ ဖြစ်လာနိုင်ပါတယ်။ 

 

၇။ ဝက်ခြံထွက်ခြင်း

        သကြားများတဲ့ အစားတွေက သွေးတွင်းသကြားဓာတ် တက်စေတာတွေ အပြင် အဆီထွက်ခြင်း၊ ယောင်ရမ်းခြင်း၊ testosterone ဟော်မုန်းထွက်ခြင်းတွေကို ဖြစ်စေပါတယ်။ ဒီလိုဖြစ်လာတာတွေကြောင့် ဝက်ခြံတွေထွက်လာပါမယ်။ ဒါကြောင့် ဝက်ခြံတွေ လျော့နဲလာစေခြင်ရင် သကြားနဲ တဲ့ အစားတွေရွေးချယ်သင့်ပါတယ်။ 

 

၈။ စိတ်ဓာတ်ကျခြင်း

        သင့်တင့်မျှတတဲ့ အစားအစာတွေက လူတွေကို စိတ်ပျော်ရွှင်စေပေမယ့် သကြားများတဲ့ အစာတွေ အသင့်စား အစာတွေကတော့ စိတ်ကျခြင်းကို အားပေးပါတယ်။ 

        ပြုပြင်ထားသောအသားများ၊ ကိတ်မုန့်တွေ အချိုရည်တွေကလဲ စိတ်ကျရောဂါပိုဖြစ်စေနိုင်ပါတယ်။ 

 

၉။ ပိုစားချင်လာခြင်း

         သကြားများတဲ့ အစားတွေစားတဲ့အခါ ဒိုပါမင်း လို့ခေါ်တဲ့ စိတ်ပျော်ရွှင်စေတဲ့ဟော်မုန်းထွက်ပါတယ် ( ဒါကြောင့် စိတ်ညစ်နေတဲ့ အချိန်တွေမှာတော့ အနည်းငယ်စားခြင်းက အဆင်ပြေပါတယ်။ ) ဒါပေမယ့် အစားများရင်တော့ ကျွန်တော်တို့ ဦးနှောက်က အချိုတွေကို ပိုပြီးတောင့်တ လာပါတယ်။ ဒီလိုမျိုး တောင့်တတာတွေများလာတဲ့ အခါ သကြား စွဲလမ်းခြင်း ပြဿနာတွေဖြစ်လာနိုင်ပါတယ်။