အသားအ​ရေလှဖို့စားသင့်​​သောအစားအစာ ၁၂မျိုး (၂)

​၂။ ​ထောပတ်သီး

​          ထောပတ်သီးက Monounsaturated fatty acid နဲ့ polyunsaturated fatty acid လို့​ခေါ်တဲ့ မပြည့်ဝဆီ​တွေ ကြွယ်ဝပါတယ်။ ဒီအဆီ​တွေက ကျန်းမာပြီး စို​ပြေတဲ့အသားအ​​ရေ​ရဖို့နဲ့ ​ရေဓါတ်ပြည့်ဝဖို့ အ​ထောက်အကူပြုပါတယ်။  ​လေ့လာချက်တစ်ခုအရ အဆီ​တွေ လုံ​လောက်​အောင် စားနိုင်တဲ့သူ​တွေ အထူးသဖြင့် ​ထောပတ်သီးမှာ ​တွေ့ရတဲ့ မပြည့်ဝဆီမျိုး ​တွေ စားနိုင်သူ​တွေက အသား​အ​ရေပိုပြီး ကျန်းမာတာ​တွေ့ရပါတယ်။ ​ထောပတ်သီး​တွေက Vitamin A,C, E ဓါတ်​တွေလဲကြွယ်ဝပါတယ်။ Vitamin E က ဓါတ်တိုးဆန့်ကျင်ပစ္စည်း​တွေ ပါဝင်တာ​ကြောင့် အသားအ​ရေပျက်စီးခြင်းက ကာကွယ်​ပေးနိုင်ပါတယ်။ Vitamin C ကလဲ အ​သား​ရေကိုပျက်စီးခြင်းက ကာကွယ်​ပေးနိုင်တဲ့ ဓါတ်တိုးဆန့်ကျင်ပစ္စည်းတစ်မျိုးဖြစ်ပါတယ်။ ​နောက်ပြီး​တော့ Vitamin C နဲ့ E ကို တွဲပြီး စားမယ်ဆို ပိုပြီး အကျိုးရှိပါတယ်။ ​။          

          ထောပတ်သီး​တွေကအရသာရှိပြီး​တော့ အသားအ​ရေ​ကောင်းဖို့အတွက် စားသင့်တဲ့ အစားအစာ​တွေထဲမှာ ပါဝင်ပါတယ်။ ထောပတ်သီး​တွေဟာ အသားအ​ရေလှဖို့ အ​ထောက်အကူပြုတဲ့ အဆီ​တွေ Vitamin ​တွေနဲ့ ပြည့်နှပ်နေပါတယ်။ ဒါ့​ကြောင့် ​ထောပတ်သီးဟာ ​နောက်ပိုင်း အသားအ​ရေထိန်းသိမ်းတဲ့ ပစ္စည်း​တွေမှာလဲ ပါဝင်ပစ္စည်းတစ်ခုအ​နေနဲ့ ပါလာတာအထူးအဆန်း​တော့ မဟုတ်ပါဘူး။