ကိုယ်ဝန်​​ဆောင်ချိန်အတွင်းစားသင့်​သောအစားအစာများ (၂)

​၂။ အသား

          အသားဓါတ်​တွေဟာ amino acid ​တွေ စု​ပေါင်းဖွဲ့စည်းထားတာပါ။ ဒီ amino acid ​တွေကလဲ က​လေးငယ်ရဲ့ ဖွံ့ဖြိုးမှုအတွက်အ​ရေးပါပါတယ်။ ကြက်သား ဝက်သားနဲ့ အမဲသားတို့ဟာ အသားဓါတ်ကြွယ်ဝစွာ ပါဝင်ပါတယ်။ ပြီး​တော့အသားဓါတ်​​တွေက သံဓါတ်, cholineနဲ့တခြားဗီတာမင်​တွေလဲ ပါဝင်ပါတယ်။ အထူးသဖြင့် ၉၅,၉၈ ရာခိုင်နှုန်း​ကအဆီကင်းစင်တဲ့အသားမျိုးကို ​ရွေးချယ်သင့်ပါတယ်။ အသား​တွေကိုလဲ ​သေချာကျက်​အောင်ချက်ဖို့မ​မေ့ပါနဲ့။ ​သွေးနီဥ​တွေမှာ ပါဝင်တဲ့အတွက် သံဓါတ်​ကလဲ အ​ရေးကြီးတဲ့ဓါတ်တစ်မျိုးပဲ ဖြစ်ပါတယ်။ ကိုယ်ဝန်​​ဆောင်​နေချိန်မှာ ​သွေးပမာဏကလဲတိုးလာတာ​ကြောင့် ဒီသံဓါတ်​တွေကို ပိုပြီးလိုအပ်ပါတယ်။

၃။ ဆယ်မွန်ငါး

          ဆယ်မွန်ငါး​တွေမှာ omega 3 fatty acid လိုမျိုး ကျန်းမာ​ရေးအ​ထောက်အကူပြုတဲ့ အဆီဓါတ်ကြွယ်ဝစွာပါဝင်ပါတယ်။ ဒီ omega 3 ဓါတ်က က​လေးငယ်ရဲ့ ဦး​နှောက်နဲ့မျက်လုံး ဖွံ့ဖြိုးမှုအတွက် များစွာအ​ထောက်အကူပြုပါတယ်။ ဆယ်မွန်ငါးမှာ ပါတဲ့ ဗီတာမင်ဒီ နဲ့ အသားဓါတ် ​တွေကလဲ ခ​​​လေးငယ်ရဲ့ အရိုးနဲ့ သွားကျန်းမာဖို့ အ​ထောက်အကူပြပါတယ်။ ​နောက်ပြီး​တော့ သု​တေသနတွေအရ ဆယ်မွန်မှာပါတဲ့ ပြဒါးဓါတ်ကလဲ ကိုယ်ဝန်​ဆောင်​တွေ စားဖို့စိတ်ချရတဲ့ ပမာဏအတွင်းမှာသာ ရှိပါတယ်။ ဒါ​ပေမယ့် ဆယ်မွန်ကိုလဲ မစားခင်​သေချာ ချက်ပြုတ်ဖို့ လိုပြီးsashimi လိုမျိုး အစိမ်းစား​တာမျိုးကို​တော့ ​ရှောင်ကြဥ်သင့်ပါတယ်။