အသားအ​ရေလှဖို့စားသင့်​​သောအစားအစာ ၁၂မျိုး (၅)

​၇။ မုန်လာဥနီ/ခါကြက်ဥ

          အသီး​အရွက်တွေထဲမှာ ကျွန်​တော်အကြိုက်ဆုံးဖြစ်တဲ့ မုန်လာဥနီကလဲ Vitamin A ရဲ့ ​ရှေ့ဖြစ်ဓါတ် တစ်မျိုးဖြစ်တဲ့Beta-carotene ပါဝင်​သော​ကြောင့် အသားအ​ရေ​ကောင်းမွန်ဖို့ ​အ​ထောက်အကူပြုပါတယ်။ Beta-carotene ဟာ ဓါတ်တိုးဆန့်ကျင်ဂုဏ်သတ္တိရှိတာ​ကြောင့် ဆဲလ်​တွေထိခိုက်ခြင်းကို ကာကွယ်​ပေးနိုင်ပါတယ်။ တစ်ချို့​လေ့လာချက်များမှာဆိုရင် Vitamin A ကအသားအ​ရေအဆီပြန်ခြင်းကို ​​​လျှော့ချ​ပေးနိုင်ပါတယ်။

၈။ သံလွင်ဆီ

          ဝိတ်ကျ​စေနိုင်တဲ့ အစားအစာအဖြစ် နာမည်ကြီးတဲ့ သံလွင်ဆီဟာ အသားအ​ရေ​ကောင်းမွန်ဖို့လဲ အ​ထောက်အကူပြုပါတယ်။ သံလွင်ဆီဟာ အသားအ​ရေကိုတင်းရင်းပြီး နုပျို​စေပါတယ်။ ဒီလို ဖြစ်​စေရတဲ့အ​ကြောင်းပြချက်တစ်ခုက သံလွင်ဆီမှာ Monounsaturated fatty acid လို့​ခေါ်တဲ့ မပြည့်ဝဆီ ၇၅ရာခိုင်နှုန်း ထိပါဝင်တာ​ကြောင့်ဖြစ်ပါတယ်။သံလွင်ဆီက ဓါတ်တိုးဆန့်ကျင်ပစ္စည်းတစ်မျိုးဖြစ်တဲ့ Vitamin E လဲကြွယ်ဝပါတယ်။ အ​ရေပြား​ပေါ်မှာ လိမ်းမယ်ဆိုရင် UV ဒဏ်က​နေကာကွယ်​ပေးနိုင်ပြီး အ​ရေပြားကင်ဆာ ဖြစ်နိုင်​ချေကို ​လျှော့ချ​ပေးနိုင်ပါတယ်။ အသုပ်တွေကို သံလွင်ဆီထည့်သုပ်ခြင်းဖြင့်လဲ ပိုမို​ကောင်းမွန်တဲ့အသားအ​ရေရဖို့ အ​ထောက်အပံ့​ပေးနိုင်ပါတယ်။