​သွေးတွင်းအဆီဓါတ် ​လျော့ကျ​စေဖို့ စားသင့်တဲ့ အစားအစာများ (၃)

​၅။ အစိမ်းရောင်ဟင်းရွက်များ

          ဟင်းသီးဟင်းရွက်အများစုက ကျွန်တော်တို့ ကျန်းမာရေးကို အထောက်အကူပြုပါတယ်။ ဒီထဲမှာမှ အစိမ်းရောင်အရွက်တွေကတော့ အကောင်းဆုံးလို့ ပြောလို့ရပါတယ်။ အစိမ်းရောင်ရွက်တွေဖြစ်တဲ့ ဟင်းနုနွယ်လိုမျိုးမှာပါတဲ့ဓာတ်တွေက နှလုံးရောဂါဖြစ်နိုင်ခြေကို ​လျှော့ချပေးပါတယ်။ ပြီးတော့သူတို့က ဓာတ်တိုးဆန့်ကျင်ပစ္စည်််းတွေလဲကြွယ်ဝပြီး သွေးကြောတွေ ကြွပ်ဆက်လာတာကို ကာကွယ်ပေးပါတယ်။ ဒီအစိမ်းရောင် အရွက်တွေမှာ ပါတဲ့ ဓာတ်တွေက သဲခြေရည်တွေနဲ့ပေါင်းပြီးတော့ ခန္တာကိုယ်က မကောင်းတဲ့အဆီတွေ စွန့်ထုတ်ဖို့ကူညီပေးပါတယ်။

၆။ ကြက်သွန်နီ

           ကြက်သွန်နီကလဲ နှလုံးကျန်းမာရေးအတွက် အရေးကြီးတဲ့ အစားအစာတစ်မျိုးပါပဲ။ ကျွန်တော်တို့ မီးဖိုချောင်မှာမရှိမဖြစ်တဲ့ ဒီကြက်သွန်နီက သွေးကြောတွေမာကြောလာတာကို ကာကွယ်ပေးတဲ့အပြင် သွေးတွင်းအဆီကိုကျစေခြင်း၊ သွေးပေါင်ထိန်းညှိပေးခြင်းတို့ဖြင့် အကျိုးပြုပါတယ်။          

           ကြက်သွန်နီမှာ ပါတဲ့ ဓာတ်ပစ္စည်းတွေဟာ မကောင်းတဲ့အဆီတွေကနေ သည်းခြေရည်အဖြစ် ပြောင်းပြီး ခန္တာကိုယ်က မကောင်းတဲ့အဆီတွေကို လျော့နည်းစေပါတယ်။ဒါပေမဲ့ ကျွန်တော်တို့က ကြက်သွန်နီတွေကို ချက်ထားဖို့ လိုပါတယ်။ ကြက်သွန်နီတွေက ဘယ်ဟင်းတွေမှာမဆိုထည့် ချက်လို့ အဆင်ပြေပါတယ်။ လေ့လာချက်တစ်ခုအရဆိုရင် ချက်ထားတဲ့ ကြက်သွန်နီတွေဟာ ကြက်သွန်နီစိမ်းတွေထက် မကောင်းတဲ့အဆီတွေကို လျော့နည်းစေရာမှာ ပိုအထောက်အကူပြုပါတယ်။