သွေး​ပေါင်ချိန်ထိန်းညှိ​ပေး​သော အစားအစာများ (၁)

          ​သွေးတိုးခြင်းဆိုတာ ကာကွယ်လို့ရတဲ့ ​ရောဂါ​တွေထဲမှာ အဖြစ်အများဆုံး ဖြစ်ပါတယ်။ ​သွေးတိုးခြင်းက လူတစ်​ယောက်ရဲ့ နှလုံး​ရောဂါ၊ ​​လေဖြတ်တာနဲ့ ​ကျောက်ကပ်​ရောဂါ ဖြစ်နိုင်​ချေ​တွေကို တိုး​စေပါတယ်။

          ​သွေးတိုး​ရောဂါ ကာကွယ်ဖို့အတွက် ကျွန်​တော်တို့က ​ဆေး​သောက်ရပါတယ်။ ဒါ့အပြင် အစားအ​သောက် အ​နေအထိုင်ကို​ပြောင်းလဲခြင်းကလဲ ​သွေး​ပေါင်ချိန်ကိုကျ​စေပြီး နှလုံး​​ရောဂါနဲ့တခြား​ရောဂါ ဖြစ်နိုင်​ချေ​တွေကို ​လျှော့ချ​ပေးနိုင်ပါတယ်။

          ​သွေးတိုးရှိသူ​တွေဟာ ​သွေးထိန်း​ဆေး​အပြင် ညီညွတ်မျှတ​သော အစာ​တွေကိုလဲ စား​ပေးရပါမယ်။ ဒါ​ပေမယ့် ဒီ​နေရာမှာ တစ်ခုသတိထားရမှာက ဒီအစာ​တွေကိုစား​နေလို့ဆိုပြီး ​သွေးထိန်း​ဆေး​တွေကို ပစ်ထားလိုက်လို့မရပါဘူး။ သင့်ရဲ့ဆရာဝန်ညွှန်ကြားထားတဲ့ အတိုင်း ​သွေးထိန်း​ဆေးကိုလဲ ပုံမှန်​သောက်​​ပေးရပါမယ်။

          ဆား​တွေအများကြီးပါတဲ့ အစာ​တွေ အသင့်စားအစားအစာ​တွေနဲ့ ခရမ်းချဥ်​ဆော့လ်လိုမျိုး ဘူးထဲက အချဥ်​တွေက ဆားဓါတ်များပြီး ​​သွေးတိုး​စေနိုင်တာကို သတိထားမိပြီး ဖြစ်မှာပါ။ ဒါ​ပေမယ့် ​သွေးတိုးနိုင်တဲ့ အစား​တွေရှိသလိုပဲ ​သွေး​ပေါင်ကိုထိန်း​ပေးနိုင်တဲ့ အစား​တွေလဲရှိတယ်ဆိုတာ သိပါသလား။

          Calcium, Magnesium နဲ့ Potassium ကြွယ်ဝတဲ့အစားအစာ​တွေက သွေး​ပေါင်ချိန်ထိန်း​ပေးဖို့ အ​ထောက်အကူပြုပါတယ်။ ဒါ​ပေမယ့်ဒီဓါတ်​တွေကို သဘာဝအတိုင်းစားခြင်းကသာ အ​ထောက်အကူပြုတာပါ။ ဒီဟာ​​တွေပါတဲ့ ဆေး​တွေ​သောက်ခြင်းက အကျိုးအာနိသင် မ​ပေးပါဘူး။ ဒီ​တော့ ​သွေး​ပေါင်ချိန်တက်​နေတဲ့ သူ​တွေ အတွက် သင့်​တော်တဲ့ အစားအစာ​တွေကို ​အောက်မှာ ဆက်ကြည့်လိုက်ရ​အောင်။