ကွန်ပျူတာနဲ့ ဖုန်းScreen အကြည့်များသူ​တွေအတွက် မျက်လုံးကိုက်သက်သာ​စေနည်းများ (၁)

         နည်းပညာက တဖြည်းဖြည်းတိုးတက်လာတာနဲ့ အမျှ လူ​တွေဟာ လုပ်ငန်း​ဆောင်တာ​တွေကို ကွန်ပျူတာ​တွေ, Mobile ဖုန်း​တွေက​နေ အလွယ်တကူ လုပ်နိုင်လာကြပါတယ်။ အထူးသဖြင့် ပြီးခဲ့တဲ့၂-၃နှစ် အတွင်းမှာ လူ​တွေက အလုပ်​တွေ၊ သင်ခန်းစာ​တွေကို အိမ်က​နေ ပိုလုပ်လာကြပါတယ်။ အဲ့ဒီအခါမှ ဖုန်းနဲ့ကွန်ပျူတာ Screen ​တွေကို ပိုကြည့်လာရပြီး မျက်လုံးကိုက်တာ မျက်လုံး​ညောင်းတာ​တွေလဲ ပိုဖြစ်လာကြပါတယ်။ 

ဒါဆို မျက်လုံးကိုက်တယ်ဆိုတာ ဘယ်လိုမျိုးလဲ??

        မျက်လုံးကိုက်တယ်ဆိုတာက Screen အကြည့်များရင် ဖြစ်​လေ့ရှိတဲ့ အရာတခုပဲဖြစ်ပါတယ်။ ဒီဟာက အရမ်းအန္တရာယ်များတာမျိုး​တော့ မဟုတ်​ပေမဲ့ မျက်လုံး​ခြောက်တာ၊ နာတာ၊ ခေါင်းကိုက်တာနဲ့ အလင်း​ရောင်စူးစူးကို မခံနိုင်တာမျိုး၊ စတဲ့ စိတ်ရှုပ်စရာလက္ခဏာ​တွေ ပြလာတတ်ပါတယ်။

        ကွန်ပျူတာနဲ့ ဖုန်းscreen ​တွေက ပုံနှိပ်ထားတဲ့ စာအုပ်​တွေ ဖတ်ခြင်းထက် မျက်လုံးကိုက်တာကို ပိုပြီးဖြစ်​စေပါတယ်။ ဒီလိုဖြစ်ရတာက​တော့ ကွန်ပျူတာ screen​တွေက မျက်​တောင်ခက်တာကို ပိုပြီးနဲ​စေလို့ပဲ ဖြစ်ပါတယ်။ ​လေ့လာမှု​တွေအရ ကွန်ပျူတာ screen နဲ့တခြား digital screen ​တွေက မျက်​တောင်ခက်တာကိုပိုပြီးနဲ​စေပြီး မျက်လုံးပို​ခြောက်​စေပါတယ်။ ဒီ​​နေ့​တော့ ဖုန်း​တွေ ကွန်ပျူတာ​တွေ ​ရေရှည်သုံးတာ​ကြောင့် ဖြစ်တဲ့ မျက်လုံးကိုက်တာ အဖြစ်နဲ​အောင် လုပ်သင့်တာ​​လေး​တွေကို ​ဖော်ပြ​ပေးသွားပါမယ်။