👍အဆစ်မြစ်ရောင် ဂေါက်ရောဂါရှိသူများအတွက် အကောင်းဆုံးအစားစာများ (၃)

 ၄)အခွံမာအစေ့အဆံများ🥜

        အရင်တပတ်က သင့်မှာဂေါက်ရောဂါရှိနေရင် အနီရောင်ရှိတဲ့အသားတွေကို ရှောင်စားဖို့ပြောခဲ့ပါတယ်။ အဲ့ဒါကြောင့် အဲဒိအသားတွေရဲ့ အခြားပရိုတင်းအရင်းမြစ်အနေနဲ့ အခွံမာအစေ့အဆံတွေကို စားနိုင်ပါတယ်။ 

        အစေ့အဆံတွေထဲမှာ အသားဓါတ်ပါပေမယ့် Purineဓါတ်တော့ မပါပါဘူး။ သစ်ကြားသီးစေ့ (Walnut) နဲ့ အယ်လ်မွန်စေ့ (Almond) က အကေါင်းဆုံးရွေးချယ်မှုတွေပါပဲ။ အခွံမာစေ့တွေမှာ ကျန်းမာရေးအတွက်ကောင်းတဲ့ မပြည့်ဝတဲ့အဆီတွေပါရှိပြီး သင့်ကိုအချိန်ကြာကြာ ဗိုက်ပြည့်/ အဆာခံစေပါတယ်။ 

၅) အမျှင်ဓါတ်ပေါကြွယ်တဲ့ အစားစာများ🥭

        ထိုအမျှင်ဓါတ်တွေက Uric Acidကို စုပ်ယူပြီး Uric Acid levelကို သဘာဝအတိုင်း လျော့နည်းစေပါတယ်။ ကျောက်ကပ်မှ Uric acidဖယ်ထုတ်ခြင်းကို ကူညီပေးပါတယ်။ ရလဒ်အနေနဲ့ သင့်မှာUric acid level နည်းပါးစေပြီး ရုတ်တရက်နာကျင်ရောင်ရမ်းမှုမျိုး ကြုံတွေ့ရဖို့ ဖြစ်နိုင်ချေနည်းစေပါတယ်။ 

၆) ဗီတာမင် Cကြွယ်ဝသောအစားစာများ🥦🍊

        ဗီတာမင် Cကို ဓါတ်တိုးဆန့်ကျင်ပစ္စည်းတစ်ခုအဖြစ် လူသိများပေမယ့် ဂေါက်ရောဂါကိုကုသဖို့ အလားအလာ၊အကျိုးကျေးဇူးတွေရှိတာကိုတော့ လူသိနည်းပါတယ်။ သွေးထဲက Uric acid levelကို လျော့နည်းစေခြင်းဖြင့် အကျိုးပြုစေနိုင်ပါတယ်။ 

        လေ့လာမှုတစ်ခုအရ ဗီတာမင် Cများများစားသုံခြင်းနဲ့ ဂေါက်ရောဂါဖြစ်ပွားမှုနည်းပါခြင်းက ဆက်စပ်နေတယ်လို့ ဆိုပါတယ်။ ဒါပေမယ့် ဗီတာမင်C ဖြည့်စွက်စာတွေစားသုံးမယ့်အစား လိမ္မော်သီး🍊၊ ငြုပ်ချိုသီး🫑 နဲ့ ပန်းဂေါ်ဖီစိမ်း (broccoli)🥦 စတဲ့ ဗီတာမင်C ပေါကြွယ်တဲ့အစားစာတွေကို စားသင့်ပါတယ်။