🎁🎊နှစ်သစ်မှာ ကျန်းမာစွာနေထိုင်နိုင်ဖို့ အကြံပြုချက်များ🎊🎁 (၈)

December 30, 2022

၁၆) အိပ်ရေးဝဝအိပ်ပါ

ဒီအချက်ကို နောက်ဆုံးအနေနဲ့ထည့်သွင်းဖော်ပြရတာကတော့ ဒီအချက်ဟာအရေးအကြီးဆုံးဆိုတာ သင်မှတ်မိနေစေချင်လို့ပါပဲ။ အိပ်ရေးဝဝ အိပ်စက်ခြင်းက ကျွန်တော်တို့ရဲ့ယေဘုယျကျန်းမာရေးအတွက် အလွန်အရေးကြီးပါတယ်။ အိပ်မပျော်ခြင်းက ကျန်းမာရေးဆိုင်ရာဆိုးကျိုးများစွာကို ဖြစ်ပေါ်သက်ရောက်စေပါတယ်။ အိပ်စက်ခြင်းနဲ့သက်ဆိုင်တဲ့ blog postကိုလည်း ကျွန်တော်ရေးသားဖော်ပြထားတာမို့ ဒီpostဖတ်ပြီးရင် အဲ့ဒိအကြောင်းကိုလည်း သွားဖတ်ကြည့်သင့်ပါတယ်။ လုံလောက်တဲ့အိပ်စက်မှုရရှိဖို့အတွက် သင့်ကိုကေါင်းမွန်စွာအိပ်စက်ဖို့ အထောက်အကူဖြစ်စေမယ့် အိပ်စက်မှုအလေ့အထကေါင်းတွေကို အလေ့အကျင့်လုပ်ထားသင့်ပါတယ်။

ဒါတွေကတော့ သင့်ရဲ့နှစ်သစ်ကူး ရည်မှန်းချက်တွေထဲမှာ ထည့်သွင်းစဉ်းစားချင်မယ့် ကျန်းမာအေါင်နေထိုင်ဖို့နည်းလမ်းတွေ ဖြစ်ပါတယ်။ ဒါပေမယ့် သင်တကယ်လုပ်နိုင်တဲ့အချက်တွေကိုသာ ထည့်သွင်းဖို့မမေ့ပါနဲ့။ ဒီထဲက ၂ချက် ၃ချက်လောက်ကိုရွေး၊ နေ့စဉ်ပုံမှန်လုပ်ဆောင်ကြည့်ပြီးရင် ဒီpostကိုပြန်ဖတ်ပြီး နောက်ထပ် ၂ချက်/၃ချက်ကို ထပ်ဖြည့်ပြီး လုပ်ဆောင်ကြည့်မယ်ဆိုရင်လည်း အဆင်ပြေပါတယ်။ နှစ်သစ်ကူးအချိန်မဟုတ်ရင်တောင် ဒီနည်းလမ်းတွေက သင့်ကျန်းမာရေးအတွက် အကျိုးရှိစေတာမို့ သင့်ရဲ့နေ့စဉ်ပံုမှန်လှုပ်ရှားမှုတွေထဲကို စိတ်တိုင်းကျထပ်ဖြည့်နိုင်ပါတယ်။

ကျန်းမာဘေးကင်းကြပါစေခမျာ!