🛌 ကောင်းမွန်စွာအိပ်စက်နိုင်ဖို့ နည်းလမ်း ၁၂ခု (၄)

April 07, 2023

၆) Blue Light ထိတွေ့မှုကို ရှောင်ပါ 📵

Blue Light တွေကြောင့် သင့်ခန္ဓာကိုယ်က နေ့အချိန်လို့ ယုံမှားစေတာတွေ ဖြစ်စေပါတယ်။ ကွန်ပျူတာနဲ့ ဆဲလ်ဖုန်းလို လျှပ်စစ်ပစ္စည်းတွေကနေ Blue Light ပမာဏများစွာကို ထုတ်လွှတ်ပါတယ်။ မအိပ်ခင် ၂နာရီအတွင်းမှာ လျှပ်စစ်ပစ္စည်းများအသုံးပြုခြင်းကို ရပ်တန့်ပါ။ အဲ့ဒိအစား တရားထိုင်ခြင်း သို့မဟုတ် စာအုပ်ဖတ်ခြင်းလို စိတ်ပေါ့ပါးစေတဲ့လုပ်ဆောင်မှုအချို့ကို ပြုလုပ်ပါ။📚

၇) နေ့လည်တရေးအိပ်ချိန်လျှော့ပါ 🦦

မြန်မြန်တရေးတမောအိပ်ခြင်းက အကျိုးရှိစေသော်လည်း အချိန်ကြာကြာ နေ့လည်တရေးအိပ်ခြင်းက သင့်ရဲ့ညအိပ်စက်ခြင်းကို ဆိုးကျိုးတွေသက်ရောက်စေနိုင်ပါတယ်။ နေ့အချိန်မှာ ကြာကြာတရေးအိပ်ခြင်းက သင့်ကိုညအချိန်မှာ နိုးနေစေမှာပါ။ နေ့ဘက် နောက်ကျချိန်တွေမှာ တရေးအိပ်ခြင်းကိုရှောင်ပါ။ အိပ်ရင်လည်း ၁နာရီထက်ပိုမအိပ်မိပါစေနဲ့။ 🌚

၈) ကိုယ်လက်လှုပ်ရှားမှုများ 🏃‍♀️🏌️‍♀️

လေ့ကျင့်ခန်းပုံမှန်ပြုလုပ်ခြင်းက သင့်ကို ကောင်းမွန်စွာအိပ်စက်စေပါတယ်။ တနေ့လုံးတက်ကြွမှုရှိခြင်းက ညဘက်မှာ အိပ်စက်ရလွယ်ကူစေပါတယ်။ သင့်ခန္ဓာကိုယ်နှင့်အလင်းရောင်နဲ့ထိတွေ့စနိုင်တဲ့ မနက်ပိုင်းလေ့ကျင့်ခန်းပြုလုပ်ခြင်းက သင့်ခန္ဓာကိုယ်တွင်းက circadian Rhythmလို့ခေါ်တဲ့ အိပ်စက်-နိုးထခြင်း ဖြစ်စဉ်ကို စီးချက်ညီညီ ပုံမှန်လည်ပတ်စေပါတယ်။

ပုံမှန်လေ့ကျင့်ခန်းပြုလုပ်ခြင်းက ကောင်းမွန်သောညအိပ်စက်ခြင်းအတွက် အရေးကြီးသော်လည်း နေ့ဘက် နောက်ကျချိန်မှ လေ့ကျင့်ခန်းလုပ်ခြင်းက အိပ်စက်ခြင်းကိုအနှောင့်ယှက်ဖြစ်စေနိုင်ပါတယ်။ ဒါဟာဘာကြောင့်လဲဆိုတော့ လေ့ကျင့်ခန်းလုပ်ခြင်းက လူတွေကိုနိုးကြားနေစေတဲ့ လှုံ့ဆော်သက်ရောက်မှုရှိတာကြောင့်ဖြစ်ပါတယ်။