🛌 ကောင်းမွန်စွာအိပ်စက်နိုင်ဖို့ နည်းလမ်း ၁၂ခု (၂)

 ၁) အချိန်မှန်မှန်အိပ်ဖို့ ကြိုးစားပါ🌗

        သင့်မှာအိပ်မပျော်တဲ့ပြဿနာရှိနေရင် အချိန်မှန်မှန် အိပ်ယာဝင်ဖို့နဲ့ အချိန်မှန်နိုးထဖို့ အလေ့အထလုပ်ပါ။ တသမတ်တည်းလုပ်လေ့ရှိခြင်းက သင့်ခန္ဓာကိုယ်မှာ အိပ်စက်-နိုးထမှုဖြစ်စဉ်ကို အားဖြည့်ပေးပါတယ်။ ရက်သတ္တပတ်အနည်းငယ်ကြာလာတဲ့အခါ သင့်အတွက် နှိုးစက်တောင် လိုတော့မှာ မဟုတ်ပါဘူး ⏰

        လေ့လာမှုတစ်ခုအရ ပုံမှန်မဟုတ်တဲ့အိပ်စက်အချိန်ဇယားရှိသူတွေနဲ့ စနေ၊တနဂ်နွေရုံးပိတ်ရက်တွေမှာ အိပ်ယာဝင်နောက်ကျတတ်သူတွေဟာ အိပ်စက်ခြင်းပြဿနာတွေ ရှိတတ်ကြောင်း ဖော်ပြကြပါတယ်။ 

၂) အိပ်ခန်းဝန်းကျင်အနေအထား အကောင်းဆုံးပြင်ဆင်ခြင်း

        သင့်ရဲ့အိပ်ခန်းဟာ တိတ်ဆိတ်တဲ့သက်တောင့်သက်သာရှိတဲ့၊သပ်ရပ်တဲ့၊ပျော်မွေ့စရာကောင်းတဲ့နေရာဖြစ်နေပါစေ။ ငြိမ်သက်တဲ့၊ မှောင်ပြီးအေးချမ်းတဲ့ပတ်ဝန်းကျင်က နှစ်ခြိုက်စွာအိပ်စက်ခြင်းကို တိုးမြှင့်စေပါတယ်။ 

        သင့်လိုအပ်ချက်နဲ့ကိုက်ညီတဲ့အိပ်ခန်းအပြင်အဆင်ပြုလုပ်ဖို့အတွက် နားကျပ်၊ ပန်ကာ၊ အခန်းမှောင်စေတဲ့လိုက်ကာတွေနဲ့ အခြားအသုံးအဆောင်ပစ္စည်းတွေကို အသုံးပြုရန်စဉ်းစားကြည့်ပါ။ အခန်းအပူချိန်ကို သက်သောင့်သက်သာအေးစေမယ့် ၆၅ဒီဂရီ ဖာရင်ဟိုက် (သို့မဟုတ်) ၁၉ဒီဂရီ ဆဲလ်စီးရပ်စ်ခန့်မှာ ထိမ်းထားပြီး လေဝင်လေထွက်အလုံအလောက်ရရှိနေပါစေ။