ကျန်းကျန်းမာမာနဲ့ ကိုယ်အလေးချိန်တိုးစေမယ့် အစားအသောက်များ (၃)

 ၃) အနီရောင်ရှိသောအသားများ 🥩🥓🍖

            အနီရောင်အသားတွေက အသားဓါတ်နဲ့ သံဓါတ်အတွက် အထူးကေါင်းမွန်တဲ့အရင်းမြစ်တွေပါပဲ။ အနီရောင်ရှိတဲ့အသားတွေက အရိုးသိပ်သည်းမှုနဲ့ ကြွက်သားဖွံ့ဖြိုးမှုကို တိုးတက်စေပါတယ်။ ဆိတ်သား၊အမဲသားနဲ့ အခြားသောအနီရောင်အသားတွေမှာ ပြည့်ဝအဆီနဲ့အသားဓါတ်ပမါဏ အမြောက်အမြားကို တွေ့နိုင်ပါတယ်။ သင့်ကိုယ်ခန္ဓာမှာ ကြွက်သားတည်ဆောက်မှုကို တိုးတက်စေဖို့ လိုအပ်တဲ့အမိုင်နိုအက်ဆစ်တမျိုးဖြစ်တဲ့ လူစင်း (Leucine)ဓါတ်ကို အနီရောင်အသားတွေမှာတွေ့ရပါတယ်။ အနီရောင်အသားတွေဟာ ကြွက်သားဖွံ့ဖြိုးမှုအတွက် ကမ္ဘာ့အကေါင်းဆုံးဖြည့်စွက်စာဖြစ်တဲ့ ခရီယတင်း(Creatine)ရဲ့ အကောင်းဆုံးအရင်းမြစ်လည်းဖြစ်ပါတယ်။ 

၄) Fatty Acid ကြွယ်တဲ့ငါးများ 🍣🐟🐋

            ဆယ်လမွန်ကဲ့သို့သော fatty acidကြွယ်တဲ့ငါးတွေမှာ ကျန်းမာတဲ့ အဆီနဲ့ အသားဓါတ်တွေ ပါဝင်ပါတယ်။ ၎င်းတို့က ဝိတ်တက်ဖို့နဲ့ အသိဥာဏ်ဆိုင်ရာလုပ်ဆောင်မှုတွေ အကေါင်းဆုံးဖြစ်စေဖို့ အထေါက်အကူပြုပါတယ်။ Omega-3 fatty acid က နှလုံးကျန်းမာရေးနဲ့ ပုံမှန်ကျန်းမာရေးကိုပါ သိသိသာသာတိုးတက်စေပါတယ်။ အခြားချက်ပြုတ်နည်းများတွေထဲမှာမှ ဆယ်လမွန်ငါးကို ပေါင်းခြင်း၊ဆာတေးပြုလုပ်ခြင်း၊မီးခိုးကျက်တိုက်ခြင်း၊ကင်ခြင်း၊မီးဖုတ်ခြင်း နှင့် မကျက်တကျက်ချက်ခြင်း စသဖြင့် ပြုလုပ်စားသုံးနိုင်ပါတယ်။

၅။ နွားနို့

            နွားနို့ က ကျန်းမာစွာ ဝိတ်တက်စေဖိုရော ကြွက်သားကြီးထွားဖိုရော အထောက်အကူပြုပါတယ်။ ခန္ဓာကိုယ်ကြီးထွားဖိုအတွက် အာဟာရများစွာလိုအပ်ပြီး နွားနို့ မှာ အဲ့ဒီ အာဟာရ ဓာတ်တွေ များစွာပါဝင်ပါတယ်။ Whey protein နဲ့ Casein protein တိုက နွားနို့မှာ အဓိက အစိတ်အပိုင်းအနေနဲ့ ပါဝင်ပါတယ်။ လေ့လာချက်တွေအရ whey protein နဲ့ casein protein တိုက ခန္တာကိုယ်မှာ ကြွက်သားကြီးထွားဖို တခြားအသားဓာတ်တွေထက် ပိုပြီး အထောက်အကူပြုပါတယ်။ 

ကယ်လိုရီ နဲ့ အသားဓာတ်တွေတင်မက နွားနို့ မှာ ကစီဓာတ် နဲ့ calcium ကြွယ်ဝစွာ ပါဝင်ပါတယ်။ နွားနို့ မှာ ပါတဲ့ အသားဓာတ်က ခန္တာကိုယ်ကြီးထွားဖိုအထောက်အကူပြုပြီး calcium ကတော့ အရိုးပွရောဂါကို ကာကွယ်ဖို အထောက်အကူပြုပါတယ်။